注目! 爆場人氣火鍋 12月齊齊「滾得棧」

12月天氣開始凍，又係火鍋迷出動時間。新開的火鍋店很多，但質素參差，相反能夠屹立不倒多年的火鍋店，必然實力超群，今次就介紹人氣火鍋店：滾得棧。

位於天后的滾得棧，單看地區、裝潢，以為價錢一定貴，點知食過先知抵玩，難怪晚晚爆場。當然滾得棧在深井總店名氣更勁，開業至今15年，你應該聽過到朋友講：「入深井食燒鵝甜品? 梗係去滾啦! 」可見人氣爆燈。雖然天后及深井店，比起其他新晉火鍋，沒有它們的超華麗裝潢，主因餐廳老闆深信打邊爐係實力取勝，所以把精力都放在食材上。

特別一提，深井店有代客泊車服務。

店主推介: 招牌番茄蟹湯 x 花膠響螺雞湯 x本地手切牛頸脊

必試招牌番茄蟹湯，一鍋湯，落足一斤番茄，所以蕃茄味十足。肉蟹Size巨型，至少一斤二両重，湯底越滾越入味。另可選同系的番茄龍蝦湯，用原隻一磅重波士頓龍蝦，份量十足。不可錯過的還有花膠響螺雞湯，用上7小時功夫熬成，所以湯底極惹味，入口滿滿清香雞味，花膠及響螺足料絕不欺場，有滋潤養生的功效，深受愛美女仕喜愛，這湯底跟招牌番茄蟹湯果然一時瑜亮。

最出色的要數本地手切牛頸脊，切得厚身，脂肪分佈平均，肉質入口幼嫩，牛味頗濃，配上沙嗲湯底更加惹味。另外牛眼根包你一試愛上，賣相以為好韌，但原來好爽口，照足指示滾8分鐘，牛眼根變得易咬但又有牛味，堅正。

配料選擇過百款，既講究又足料

牌中有不少火鍋配料，有海鮮類、丸類、肉類和蔬菜等，除此之外還有小菜供應選擇。必食的手打丸相當出色，如坊間少見的象拔蚌丸，用大尾魷搓成墨丸，內裏釀加州象拔蚌粒，雙重爽脆口感。蝦丸用泰國虎蝦打成，蝦味濃、有彈性。黑松露蝦餃，餡料九成中蝦，一成豬肉，混了澳洲黑松露醬，爽口彈牙又滲菌香。

當然這裡的海鮮十分出色，如花彫醉蝦，把新鮮活蝦放在花彫醉中浸著，送來時還能見到活蝦在杯內崩崩地跳，花彫醉滲入蝦肉內，蝦肉彈牙，不錯! 疏菜方面保證新鮮，因店主跟菜欄檔主係好朋友，難怪這裡的菜比外面火窩店提供的更新鮮。

特別推介這裡的自家制炸蝦餅，蝦餅新鮮熱辣，外層卜卜脆，但蝦肉好彈牙，大大份，抵食。

* 資料由客戶提供

餐廳資料

滾得棧

天后

3.3K

滾得棧

深井