Grill得有feel！ 咁就要試下「海魂燒」

Grill得有feel！ 咁就要試下「海魂燒」

唔知你有無發覺，食嘢同拍拖有時都幾相似，兩者都好講「感覺」。食物給你怎樣的感覺，除了取決於食物的味道素質，餐廳的環境或者特別的烹調手法，都可以為感覺升溫。

以下推介的特色餐廳「海魂燒」，木色系配以灰黑色調，打造型格的fusion燒烤餐廳。餐牌以多款燒物為主打，究竟點grill至有feel？大家一齊嚟睇睇啦！

「型」氣放送　資深大廚傾力演出

坐落於天后的海魂燒，至今累積了不少人氣。枱椅與飾品擺設融合mix and match 的風格，散發陣陣潮流氣質。黑色吊燈與黃色的烏絲燈膽襯托下，給你少少神秘感，raw得來又覺簡約自在。

不單如此，廚房更有資深大廚Calvin坐鎮。愛好新鮮感的他，擁有二十多年的和食料理經驗，全心把創意放進料理當中，把刺身、串燒及燒物加入「非常」配搭，炮製出風味獨到的fusion新派菜，配上香港或日本手工啤同日本Whiskey邊食邊飲，一生一大快事。

名物出爐    精選推介

迷你鵝肝漢堡 迷你飛驒牛漢堡

咪睇佢漢堡細細，查實用料都幾花巧。孖堡有鵝肝同飛驒牛兩款，先煎香鵝肝，再配上巴馬火腿、新鮮蕃茄做配料。外層鬆脆，內裡軟滑。另一個就以日本的飛驒牛做成手打免治牛肉漢堡，配有藍芝士及沙律菜，牛味香濃，芝士的after taste更為出眾，食晒兩個都仲有胃口再作戰啊！

一口海膽和牛

夠的式的一口海膽和牛，配搭夠架勢，以日本A4和牛配日本空運到的紫海膽。和牛調味後輕輕炙燒和牛面層至金黃色，面層放上火炙海膽。海膽散發輕柔的海水味，加上外脆內嫩、肉汁juicy的日式和牛；牛肉油膩感減褪，海膽的奶油質感加以提昇，好Yummy嘅呢！

一口帆立貝海膽

兩種好creamy的食材拼埋一齊會變成點？叫個一口帆立貝膽就知味道如何了！軟腍鮮味的帆立貝，中間夾有軟綿綿的海膽，一口咬落去，鮮味直湧舌尖，「海膽控」應該唔止想食「一口」咁少啦掛。

燒海殼王

以往食海穀王可能以潮式打冷居多，今次在海魂燒一定要試試這個鹽燒style的招牌菜。海殼王封鹽加入特製香料，再原條燒製約半小時左右。切開魚皮淨食魚肉，肉質超香滑溜兼帶魚汁豐腴。聽講，有客人要柯打兩條魚先至夠喉咁話，對條魚十分之有Feel！

炙燒和牛他他、配水牛芝士及自家牛油果醬

以拼盤形式上菜的特大組合！師傅先以天然海鹽及黑椒輕輕將和牛調味，再火炙和牛致令表面燒封，鎖住肉汁和油花。旁邊的牛油果醬，亦是亮點所在。原個牛油果起肉加入芫荽、洋蔥等香草，再混以綠色辣椒調味醬，壓製成粒粒牛油果肉醬。建議一件和牛他他，一塊洋蔥、一件蕃茄，再夾少少蔬菜以及微辣牛油果醬，配上香口的水牛芝士一齊食，層次非常豐富，出奇地沒有違和感覺！

燒魂炸三寶

一聽個名以為是煎釀三寶的「朋友」，上枱之後卻又令人有驚喜！「三寶」包括雞軟骨、雞翼及麻辣鴨舌，三者炸得非常香脆，味道帶有醬油風味，蘸點沙津醬更perfect！佐送啤酒的話，著實無得輸。

黃金燒大虎蝦

除了日系燒物，餐牌上亦可找到中日fusion的美食。這個黃金燒大虎蝦，製作概念源自平日吃到的中式黃金蝦。先燒至8成熟，再開邊將秘製濃郁的蛋黃牛油醬塗於面層，經慢火細烤至金黃色，啖啖蝦肉，食到豐富的蛋黃鹹香。比你揀，你會同人開心share，定係一人獨享？

川香肉碎燒茄子

登登登登！另一fusion代表有「佢」，精粹在於茄子面頭有川式配料，肉碎混有辣椒虎皮尖、蒜蓉、薑蔥等提味，再將唐辛子、蔥花、芝麻等舖天蓋面；淡雅的茄子配以刺激的川香肉碎，有種食完想再食的攝人「味」力。

鹽燒黑豚肉秋葵卷

要畀啲掌聲佢！沒想過秋葵可以做「卷」，更加無想到略帶肥肉的黑豚肉與健康的秋葵一配，「矛盾」得十分有層次：面層淋上秘製川式醬料，表面焦脆香口帶點辣，內裡juicy有嚼頭，瞬間變成另一種superfood！

* 資料由客戶提供